La tago en kiu oni nenion povas fari
ĉio en ni anstataŭ aspiri al celo
disfaliĝas, rampas
kien? por kio?
penso pene grimpas
kaj tuj svenas
tio, kio preskaŭ estas tenata
elŝiras sin, malaperas
eĉ memoro pri ĝi ne restas
splenoj, timoj, doloroj
okupas siajn lokojn
postulas atenton
vigligas vin
vidaĵo ekster fenestro
tiam vi tremas
ĉiuj vojoj estas
ne-tra-ir-ebl-aj
ĉiuj baroj
ne venk-ebl-aj
vi pensas-
ili ie atendas
rigardas horloĝojn
enuigitaj
ekdormas
Tradukis Danuta Kowalska
La versaĵo elektita el la libro Prawa natury (Rajtoj de naturo)
Eldonejo: Wydawnictwo Literackie Kraków 2006
Copyright by the Estate of Ryszard Kapu¶ciński